සිතගාව


සිතගාව රැඳවෙන්න
නෙතු කැලුම් විදහා
ඉඟිපාන හසරැල්ල
මුව අගෙහි රැඳෙනා
සිතුවිල්ල නොමවෙන්න
දුර ඈත දුවනා
හද ලඟම නවතින්න
සියපතක් ලෙසිනා

නෙතු අතර නිති රැඳෙන
සිහිනයක් ලෙසිනා
සියොත් රැල නොමවෙන්න
නිල් අඔරෙ රැඳෙනා
නිශායම ගෙවෙන විට
හිරු අවරෙ ගිලුනා
නැවතත් සිහිනෙට එන්න
සඳ කැලුම් විහිදා

රුසිරු බොතේජු

සිතුම් වසන්තය


සිතිවිලි පව්වෙන්
එහා ලෝකයක් නොසොයා
හදෙහි රැඳීසිටි
සිතුම් වසන්තය
යලි ඉවතට ඇදුනා

මිහිමත මල් වරුසා
සිහිනයක් ලෙස වැටිලා
ඉඳුන් වසඟකල
ඔබේ සුවඳ ලඟ
සිත වෙනතක නොයවා

සිහින රේඛාවේ
නිමේශයක් නෙත් නොපියා
රිදී සීනු හඬ
මතින් වැසීගිය
සිත ඔබ‍ වෙත හැමුවා

රුසිරු බොතේජු

සිනහව උදෙසා


බිඳුනු හසරැලි නෙතට ඇවිදින්
කඳුලු ‍විල මත ගලා හැලුනේ
නෙතින් නොකියන මහා රහසක්
සිතෙහි ‍සිරකර ගත්ත විලසේ

ලයෙහි සෝගිනි නිවනු බැරිවද
කඳුලු විලමත ගලා හැලුනේ
එහි කඳුළුමයි නෙ‍වේ දිය බිඳු
නිවන්නේ ගිනි සිතෙහි කෙලෙසේ

නිවෙන ගින්නට පිදුරු ‍දැමුවොත්
ඇවිලුවෙයි එය මහා ගිනිසේ
සිතේ ගින්නට කඳුලු ‍වැටුනොත්
නොවේ වෙනසක් කීව පෙරසේ

සොඳුරු මතකය සිතට නැගුනත්
දුකක් නම් එය රැඳුනු සිත්සේ
දුක නිවනුවස් නගනු හසරැලි
සිතෙහි පීඩා මතක නැතිසේ

රුසිරු බොතේජු