නොවෙනස්කම


දයාබරවූ මතකයෙන්
අමතකවූ අතීතය
විඩාබරවූ දෙනෙතකින්
සිහිගන්වනු කෙලෙසකද

නිමනොවන කම්කටොළු
නොයෙක් විඳි දුක්ගැහැට
මතකයක් සිහිකරයි
එය සොයනු කුමකටද

අද දිනය අත ලඟය
හෙට දිනය තවදුරය
අතීතය පිටුපසින්
හඹා එයි වේගයෙන්

අතීතයේ බලපෑම
වර්ථමානය තුළ වුවත්
වෙනස් කළ නොහැක එය
සිහි නගනු සැමවිටම

රුසිරු බො‍තේජු

සම අන්තරය


මා පළමු පදය විට
ඔබ දෙවන පදය විය
සමාන්තර ශ්‍රේණියක
අනුයාත පද වල

සමාන අන්තරයකින්
ඔබට පසුව පැමිණියත්
ළං විය නොහැක මට
ඔබ වෙතට කිසි විටෙක්‍

පද පෙළෙහි ඓක්‍ය
සූත්‍රයට තනි කළත්
සත්‍යයි පළමු පදයට
නොම වේය දෙවන පදයට

උපකල්පනය අහෝසි විය
අභ්‍යුහනය නොහැකි විය
අසත්‍යයි සූත්‍රය
කුමක් කළ හැකි ද මට

නොවනු බිය කිසිවිටෙක
හැක අපට තනි වෙන්න
අභිසාරී ශ්‍රේණියක
n අනන්තයට යනවිට

රුසිරු බොතේජු

නිල් දිගන්තයේ


නිල් දිගන්තයේ
හැඟුමින් සැරසිලා
වසන්තය අවිත්
හැඟුම් මතුවෙලා


ඔබ හා සිටින මොහොතේ
මගෙ හද පුරා
දැනෙනා ආල හැඟුමන්
සිතේ ලියවිලා


නෑගෙනා විටදි මතකේ
සිතේ රොක්වෙලා
සෑඟවී ඉන්න ආසයි
අනන්තය කරා


ඔබගේ සුසුම් පහසින්
හදින් ලංවෙලා
ඔබගේ මග සරසන්නම්
අඳුරේ එළිය වෙලා

රුසිරු බොතේජු